Rafael Dadaşovun qızı atası ilə bağlı gözəl xatirələrindən danışdı

Xalq artisti Rafael Dadaşovun qızı, tanınmış müğənni Səidə Dadaşova, atasının doğum günlərinə dair duyğusal xatirələrini bölüşüb. O, atası ilə keçirdiyi anları və bu günlərin onun həyatında nə qədər dəyərli olduğunu vurğulayıb.

Səidə Dadaşova bildirib ki, atası ilə hər şey çox gözəl idi. "Hər şey atamla gözəl idi. Ondan sonra nə ad günü keçirirəm, nə də ürəkdən sevinə bilirəm. Atamın doğum günləri həmişə çox möhtəşəm keçirdi. Yanvarın 4-ünü səbirsizliklə gözləyirdik. Atam diqqəti sevən bir insan idi, amma heç vaxt kimsəni məcbur etməzdi, sadəcə onu sevənlər özləri gəlib təbrik edərdilər," - deyə o qeyd edib.

Səidə Dadaşova əlavə edib ki, atası ilə əlaqədar xüsusi anlar onlara çox əhəmiyyətli olub: "Biz onun yanında olanda xoşbəxt idik. Atam kiçik şeylərlə xoşbəxt olurdu. O, həyatını dolu-dolu yaşamış bir insan idi."

Müğənni, atasından aldığı halallıq və ailəsindəki irs barədə də danışıb: "Mən atamdan hər şeyə görə halallıq aldım. Hətta övladım dünyaya gəlməmişdi, ona da halallıq istədim. Atam, özü də mənim övladımın adını daşımasını çox istədi. Balaca Rafael Dadaşov böyüyür və bu, mənim üçün fəxrdır!"

Səidə Dadaşova, atasının son illərdə laqeyd münasibətə görə incimiş olduğunu da vurğulayıb: "Atam son zamanlarda özünə qarşı laqeyd münasibətdən narazı idi. Yubileyini keçirmək istəsələr də, söz verdilər, amma etmədilər. Mən çox istərdim ki, atamın yaradıcılığını daha çox qeyd edək və ona layiq olduğu qiyməti verək."

Sənətçinin həyatında böyük rol oynayan Rafael Dadaşovun anısına sayğı göstərmək Səidə Dadaşovanın ən böyük arzusudur.