Cennifer Lopez və Ben Afflek rəsmən boşandılar

Məşhur müğənni Cennifer Lopez və aktyor Ben Afflek, rəsmən boşanma qərarını alıblar. TMZ nəşri, məhkəmə sənədlərinə istinadən xəbər verib ki, cütlük məhkəmə çəkişməsi olmadan bütün maliyyə məsələlərində anlaşma əldə ediblər.

Evlilik müddətində hər birinin fərdi olaraq qazandığı gəlirlər özlərinə qalır. CeyLo və Ben Afflek, birgə aldıkları evlə bağlı isə razılığa gəlsələr də, bununla bağlı heç bir əlavə məlumat verilmir. Hazırda həmin mülk satışdadır.

Cennifer Lopez və Ben Afflek, 2000-ci illərdə tanış olaraq populyar ulduz cütlüklərdən biri olmuşdular. 2003-cü ildə onların planlaşdırılmış toyu gözlənilmədən təxirə salındı və cütlük ayrıldı. Hər biri öz yolunu izləyərək fərqli şəxslərlə ailə həyatı qurmuşdu: Lopez müğənni Mark Entoniyə ərə getdi, Afflek isə aktrisa Cennifer Qarnerlə evləndi. Lakin 2021-ci ildə münasibətlərini yenidən bərpa edərək 2022-ci ildə evləndilər. İndi isə onların əlaqəsi bu şəkildə sona çatıb.