"Siz kimsiniz ki, həyatıma müdaxilə edirsiniz?"

İnfluenser Aynişan Quliyeva şəxsi həyatı ilə bağlı yazılan bir şərhə sərt reaksiya verib. O, Instagram hesabında bu mövzuda paylaşım edərək şəxsi həyatına müdaxilə edənlərə irad bildirib.

Aynişanın əsəbləşməsinə səbəb izləyicisinin "Yaş üstə yaş gəlir, nə zaman ailə qurub övlad sahibi olacaqsınız? Özünüzü düşünün" sözləri olub.

Bu fikirlərə sərt cavab verən Aynişan belə deyib:

"Siz kimsiniz ki, mənim həyatıma müdaxilə edirsiniz? Hər qadının borcu uşaq dünyaya gətirmək deyil. Mənim seçimlərim niyə sizi bu qədər maraqlandırır? İnsanların şəxsi həyatına bu qədər rahat müdaxilə etmək ciddi istedaddır."

Aynişan Quliyeva izləyiciləri şəxsi sərhədlərə hörmət etməyə çağıraraq, öz həyatını necə yaşayacağını yalnız özünün müəyyən etdiyini vurğulayıb.