"Çocuklar Duymasın"ın sevilən aktyoru vəfat etdi-FOTO
"Çocuklar Duymasın" serialında "Seyyar Tayyar" obrazı ilə tanınan məşhur aktyor Muhammed Emin Gümüşkaya 77 yaşında dünyasını dəyişib. O, ağciyər çatışmazlığı səbəbindən xəstəxanada müalicə alırdı.
AsimanFərzəliyeva 
Türkiyənin tanınmış aktyoru Muhammed Emin Gümüşkaya 77 yaşında dünyasını dəyişib. "Çocuklar Duymasın" serialında canlandırdığı "Seyyar Tayyar" obrazı ilə yadda qalan aktyorun vəfatı sənət dünyasında dərin kədər yaradıb.
Məlumata görə, Muhammed Emin Gümüşkaya ağciyər çatışmazlığı səbəbindən İstanbulun Pendik bölgəsində yerləşən özəl xəstəxanada reanimasiya şöbəsinə yerləşdirilmişdi. Uzun müddət müalicə alsa da, həkimlərin səylərinə baxmayaraq, aktyor həyatını itirib.
1948-ci il yanvarın 10-da İstanbulda anadan olan Gümüşkaya, Dövlət Konservatoriyasının Teatr fakültəsini bitirib. Aktyorluq karyerasına 1985-ci ildə başlayan sənətçi, xüsusilə 2010-cu ildə rol aldığı "Çocuklar Duymasın" serialı ilə tamaşaçıların sevgisini qazanıb. O, teatr və televiziya sahəsində yadda qalan rolları ilə tanınırdı.
Mərhum aktyorun vəfatı sənət camiəsində və pərəstişkarları arasında dərin hüznə səbəb olub.
