"Deyirlər ki, rəhmətə getmişəm"-DEDİ

Xalq artisti Ağadadaş Ağayev, son zamanlar haqqında yayılan əsassız məlumatlara cavab verib. Ağayev, xüsusilə sağlamlıq vəziyyəti və ölkəni tərk etməsi ilə bağlı yayılan şayiələrin tamamilə yalan olduğunu bildirib. "Deyirlər ki, guya mən ağır xəstəyəm və ya rəhmətə getmişəm. Amma mən tamamilə sağlamam və həyatdayam", - deyə o qeyd edib. Artıq müalicə alıb sağaldığını vurğulayan Ağadadaş Ağayev, yaxın zamanlarda autizmli uşaqlar üçün təşkil etdiyi tədbirin və Zəfər Günü münasibəti ilə planlaşdırdığı şəhid ailələri və fiziki məhdudiyyətli uşaqlar üçün təşkil ediləcək tədbirin də ardıcıl olaraq həyata keçiriləcəyini açıqlayıb. "Ölkədəyəm, övladlarım, ailəm və məni sevənlərlə birgə olduğum müddətdə heç bir narahatlıq yoxdur", - deyə o əlavə edib.