Efirdəki Davranışa Görə Cəzalandırıldılar

Əməkdar artist İlkin Əhmədov, ötən ay “7 Tamam” proqramında sürpriz edilərək, üçüncü övladının dünyaya gələcəyini öyrənmişdi. Bu sürpriz, efirdə böyük mübahisəyə səbəb olmuşdu və sosial şəbəkələrdə tənqid olunmuşdu. Sənətçi, sürprizdən sonra çox əsəbləşdiyini, qarşı tərəf üzr istəməsə, hüquq mühafizə orqanlarına müraciət edəcəyini açıqlamışdı. İlkin Əhmədov, bu məsələnin artıq həll olunduğunu və sürprizi təşkil edənlərin cəzalandırıldığını bildirdi. O, sürprizləri yalnız yaxın dostları və evində qəbul etməyi sevdiyini, amma xəbərsiz şəkildə və efirdə edilən sürprizlərin heç kim tərəfindən bəyənilmədiyini vurğuladı.