"Elçiliyə tək gəlmişdi"

Əməkdar artist Fərqanə Qasımova kürəkəni Fərid haqqında danışıb.

Xanəndə qızı Mövlanənin nişanlanması ilə bağlı fikirlərini bölüşərək, kürəkənini ailə qurmazdan əvvəl tanıdığını və ona ürəyinin yatdığını bildirib:

"Qohumluq münasibətləri ailə qurduqdan sonra daha da möhkəmlənir. Kimin necə insan olduğu onda bəlli olur. Fəridi valideynlərindən əvvəl tanıdım. O qədər səmimi və yaxşı insan təsiri bağışladı ki, ailəsi haqqında dərindən maraqlanmadım. Lakin ailəsinin tərbiyəsi onsuz da özünü göstərirdi. Qızımı onun tərbiyəsinə etibar etmişəm. Fərid atasından və anasından əvvəl tək başına elçiliyə gəldi."

F.Qasımova aparıcının "Övladlarınızın seçiminə hörmətlə yanaşırsınız?" sualına isə belə cavab verib:

"Övladlarımın seçiminə hər zaman hörmətlə yanaşmıram. Sevgi bəzən insanı danışmağa qoymur. Amma elə hallar olur ki, valideyn övladını xəbərdar etməlidir. Çünki hər kəs seçiminə uyğun insanla ailə qurmayıb peşman ola bilər."