"Nənəmin qəbrindəki daşları da aparıblar"

Müğənni Çingiz Mustafayev nənəsinin məzarı ilə bağlı yaşadığı xoşagəlməz hadisəni bölüşüb. "Günə bax" verilişində danışan sənətçi bildirib ki, məzarın üstünə qoyulan səməni, şam, konfet və güllər götürülür.

O, məsələnin daha da ciddi olduğunu vurğulayaraq əlavə edib: "Hətta məzarın yanındakı hasarın üstündəki daşları da söküblər. Balaca daşlar alıb qəbrin ətrafına düzmüşdüm ki, ot çıxmasın. Səhər gəldim ki, daşlar yoxa çıxıb. Anam zarafatla deyir ki, 'yerin altına gedib'. Bu qədər daş yerin altına gedər?".

Çingiz Mustafayev baş verənlərə təəccübləndiyini və bu vəziyyətin onu çox üzdüyünü deyib.