Elnarə Abdullayevanın oğlu müğənni ilə evlənir?

Əməkdar artist Elnarə Abdullayevanın oğlunun müğənni ilə sevgili olduğu barədə iddialar yayılıb.

Bu barədə aparıcı Zaur Nəbioğlu "Rəngarəng" verilişində məlumat verib və Elnarə Abdullayevaya bu haqda sual ünvanlayıb.

Xanəndə isə illər öncə dediyi "oğluma müğənni qız almaram" fikrini xatırladaraq, bunun yanlış başa düşüldüyünü bildirib:

"Oğlum çox sakit, qaraqabaq insandır. Mənim ətrafımda həmişə musiqiçilər olub, hətta qohumlarım arasında da ifaçılar var. Ancaq oğlum bu sənəti öz ailə həyatı üçün uyğun hesab etmədi. Mən də bu sahənin çətinliyini bildiyim üçün bəzi fikirlər səsləndirmişdim. Amma heç kimə qarışmıram, hər kəs öz seçimini edir."

Müğənni oğlu haqqında yayılan iddialara konkret cavab verməyib, lakin müğənni gəlin məsələsinə münasibətini bir daha açıqlayıb.