Ferdi Tayfurun 4 Arvaddan 5 Uşağı-FOTO
Ustad sənətçi Ferdi Tayfurun 4 fərqli münasibətdən 5 övladı olduğu məlum olub. Onun övladları və sərvəti ilə bağlı maraqlı detallar ilk dəfə ictimailəşib.
AsimanFərzəliyeva 
79 yaşında vəfat edən ustad sənətçi Ferdi Tayfurun dəfn mərasimində ortaya çıxan övladları, həyatının əvvəlki dövrlərində heç yerdə görünməyib. Tayfurun övladları və onların anaları sosial mediada gündəm olub.
Ferdi Tayfurun 4 fərqli münasibətdən 5 övladı olduğu açıqlanıb.
Timur Turanbayburt: Ferdi Tayfurun Konyada tanış olduğu Fatma adlı qadından olan oğlu Timur, 60 yaşındadır. O, atasının kim olduğunu 13 yaşında öyrənib. 2020-ci ildə Ferdi Tayfur böyrək çatışmazlığı yaşadıqda, Timur ona böyrəyini bağışlayıb. Bu ianə Tayfurun sağ qalmasına kömək edib və ata ilə oğul arasındakı bağ daha da güclənib.
Tuğba Dızı və Funda Doğrul: Ferdi Tayfur 1974-cü ildə Zeliha Turanbayburtla evləndi. Bu cütlüyün Tuğba Dızı və Funda Doğrul adlı iki qızı olub. Tayfur, 2010-cu ildə Zeliha ilə yenidən görüşərək, "Həyatımın qalan hissəsini onunla keçirmək istəyirəm" demişdi. Onlar Ferdi Tayfurun son anına qədər Marmarisdə yaşamışlar.
Tuğçe Tayfur: Ferdi Tayfur və Necla Nazırın qızı Tuğçe Tayfur, 37 yaşındadır. Onlar 33 il birlikdə həyat sürüblər.
Ferdi Taha Tayfur: Ferdi Tayfurun Həbibe Ümyani Demir ilə münasibətindən 2009-cu ildə Ferdi Taha adlı oğul dünyaya gəlib. Ferdi Taha, indiyə qədər tənha bir həyat sürsə də, ilk dəfə 2024-cü ilin noyabrında atasının ad günündə sosial mediada paylaşım edib.
Ferdi Tayfurun son dövrlərdə ayrıldığı qızı Tuğçe Tayfur da tabutun yanında olub. Şirin Gözalıcı, Ferdi Tayfurun fan səhifəsindən edilən paylaşımı sosial şəbəkələrdə yayıb.
Ferdi Tayfurun sərvəti də diqqət çəkib. Onun İstanbul, Adana və Marmarisdə böyük sərmayələri olduğu məlum olub. İstanbulda 6 villa və 30 mənzil, Adanada isə 50 mənzil sahibi olduğu bildirilir. Tayfurun tikinti sektorunda da böyük səhmləri olduğu qeyd edilib.
