Evlənmə Təklifinə "Hə" Dedi!-FOTOLAR
Dünyaca məşhur müğənni və aktrisa Selena Qomez, sevgilisi Benni Blankonun evlilik təklifini qəbul edib. Sənətçi sosial mediada romantik paylaşımı ilə bu xəbəri pərəstişkarları ilə bölüşüb. "Sonsuzluq indi başlayır" sözləri ilə sevincini ifadə edən Selena Qomezin paylaşımı, qısa zamanda milyonlarla bəyənmə və təbrik mesajları topladı.
AsimanFərzəliyeva 
Dünyaca məşhur müğənni və aktrisa Selena Qomez sevənlərini sevindirəcək xəbərlə gündəmə gəlib. Onun sevgilisi, prodüser və musiqiçi Benni Blanko yaxın zamanda ona evlilik təklif edib.
Selena Qomez bu romantik anı sosial media izləyiciləri ilə paylaşaraq, "Sonsuzluq indi başlayır" sözlərini qeyd edib. Bu cümlə, onların yeni bir həyat mərhələsinə qədəm qoyduğunu simvollaşdırır.
Cütlüyün bu addımı pərəstişkarları tərəfindən böyük sevinc və maraqla qarşılanıb. Selena Qomezin paylaşımı bir neçə saat ərzində milyonlarla bəyənmə toplayaraq, sosial mediyanın gündəm mövzularından birinə çevrilib.
Cütlüyün nə zaman nikah masasına oturacağı isə hələlik məlum deyil.
