Ferdi Tayfurun bacısı qızından sensasion açıqlama
Ferdi Tayfurun bacısı qızı və meneceri olan Şirin Gözalıcı, dayısı ilə qızı Tuğçe Tayfur arasındakı gərginliklə bağlı səmimi açıqlama verib. O, şəxsi həyatına dair sensasiyaların gündəmə gəlməsinə münasibət bildirib və dayısının məhkəmə qərarına aid açıqlamalarını paylaşıb.
AsimanFərzəliyeva 
Türkiyənin məşhur sənətçisi Ferdi Tayfurun bacısı qızı və eyni zamanda meneceri olan Şirin Gözalıcı, dayısı ilə qızı Tuğçe Tayfur arasındakı gərginliklə bağlı açıqlama verib. Şirin Gözalıcı, Ferdi Tayfurun qızı Tuğçe Tayfurun şəxsi həyatı ilə bağlı yayılan sensasiyalara etiraz edərək, soyadını kommersiya məqsədilə istifadə etməsinin qarşısını almaq istədiyini vurğulayıb. Həmçinin, Tayfurun qızının onun mahnılarını oxumasına icazə vermədiyini də açıqlayıb.
Gözalıcı bildirib: "Son dəfə açıqlama verirəm, bir daha bu mövzu ilə bağlı danışmayacam. Dayımın vəfatından sonra yaşananlarla bağlı mənə və ailəmə qarşı ağır təhqirlər edilir. Heç kim ata ilə qızın arasına girə bilməz. Dayım Tuğçenin soyadını istifadə etməməsi üçün məhkəməyə müraciət etmişdi və mən günahlandırılıram. Elə bil, məhkəmə işini mən açdırmışam kimi bir təsəvvür yaradılır. Heç vaxt belə bir şey olmayıb, dayım öz qərarı ilə məhkəməyə müraciət etmişdi."
Şirin Gözalıcı, Ferdi Tayfurun qanuni varisi olmadığını da açıqlayıb: "Dayımın pulunda və malında gözüm yoxdur. Maddi baxımdan imkanlı bir insanam. Heç kim öz reklamı üçün mənim adımı istifadə etməsin. Mən həmişə könüllü olaraq dayımın yanında olmuşam və indi isə dayımın yasını tuturam. İnsanlara çox üzülürəm, nə qədər acıdır ki, dayı və ya əmi kimi hissləri heç yaşamayıblar."
