Filmlə Bağlı Qonorarların Verilmə Qaydalarında Yenilik
Dövlət sifarişi ilə çəkilən filmlərin müəlliflərinə ödənilən qonorar və digər haqların minimum məbləği və verilmə qaydaları yenilənib. Nazirlər Kabinetinin qərarı ilə təsdiqlənən bu dəyişikliklər müəlliflərin ədalətli mükafatlandırılmasını və müasir tələblərə uyğun tənzimlənməsini təmin edəcək.
AsimanFərzəliyeva 
Dövlət sifarişi ilə istehsal edilən filmlərin müəlliflərinə ödənilən qonorar və digər haqların minimum məbləği ilə bağlı qaydalar dəyişdirilib. Nazirlər Kabinetinin 1997-ci il 2 may tarixli qərarına əsasən, Mədəniyyət Nazirliyi tərəfindən hazırlanmış yeni redaksiya təsdiqlənib.
Yenilənmiş qaydalara əsasən, filmlərin yaradıcı heyətinə ödəniləcək minimum qonorar və digər haqların məbləği denominasiyadan sonrakı məbləğlərə uyğunlaşdırılacaq. Bu zaman audiovizual əsərlərin mürəkkəbliyi, fərqli yaradıcılıq təcrübələri və mədəni nailiyyətlər nəzərə alınacaq. Müəlliflərin ədalətli mükafatlandırılması və qonorarların müasir tələblərə uyğun tənzimlənməsi əsas prioritetlərdən biri kimi müəyyən edilib.
