Filmə çəkilməməsinin səbəbini açıqladı

Aktyor İslam Mehrəliyev göz rənginə görə bir filmdə rol ala bilmədiyini açıqlayıb. O, qonaq olduğu "İzzət şou" verilişində Azərbaycan və Gürcüstanın birgə layihəsi olan sənədli filmin çəkilişlərində iştirak etməli olduğunu, lakin göz rənginin rol üçün uyğun hesab edilmədiyini bildirib.

"Bu film Gürcüstanda çəkilməli idi. Məndən obraz üçün tünd rəngli gözlər tələb olundu. Linza taxaraq problemi həll etməyə çalışdım, amma yenə də alınmadı. Sonda dedim ki, elə isə gedin, qaraqaş, qaragöz bir aktyor tapın və onu filminizə çəkin", – deyə aktyor bildirib.