Günay İbrahimli etiraf etdi: "Elə xəyanət gördüm ki..."

Müğənni Günay İbrahimli, "İncə səhər" verilişində şəxsi həyatı ilə bağlı önəmli açıqlamalar verib. İbrahimli, "Mən beləyəm" mahnısının sözlərini oxumağının səbəbini belə izah edib: "İnsanda bir neçə xasiyyət varsa, o dəyişmir. Ona görə də bu mahnını oxudum. İnsan 20, 30, 40 yaşında fərqli düşünür. 40 yaşda artıq səhvlər etmirsən, amma dəyişilməyən xüsusiyyətlər var."

Sənətçi, həyatında yaşadığı xəyanətlərdən də danışıb. "O qədər daşlanmışam, dostlardan xəyanət görmüşəm ki... artıq buna öyrəşmişəm," deyən Günay, Dolça bürcünün xüsusiyyətlərinə də toxunub: "Dolça bürcləri birini sevərsə, çox bağlanar, amma diqqətsizlik görəndə tez də unudar."

Son dövrlərdə hadisələrə daha sakit yanaşdığını bildirən Günay, sosial mediada yazılan mənfi şərhlərə də toxunub: "Pis niyyətli şərh yazanın ailəsində, özündə problem var. Onlara pis oluram," deyə əlavə edib. O, təhqirə məruz qaldıqda isə "silərəm" ifadəsini işlədib.

Müğənni, efirə çox çıxmadığını qeyd edərək, insanların onu televizorda görüb, sonra qarşılaşdıqda yaxınlaşmalarına da münasibət bildirib: "Efirə çox çıxmıram, amma bu, yekəxana olduğum anlamına gəlmir."