Aytən Səfərova bağçalardakı problemlərdən şikayətləndi: "Nəfəs almaq belə çətindir"

Aparıcı Aytən Səfərova bəzi bağçalarda uşaqların sağlamlığına və rifahına uyğun olmayan şəraitdən şikayətlənib. O, bağçalarda uşaqların gün boyu otaqda qalmasının, sadəcə cizgi filmi izləmələrinin sağlamlıq üçün uyğun olmadığını qeyd edib. Aytən Səfərova, bağçalarda hava şəraitindən asılı olmayaraq, uşaqların ən azı bir saat açıq havada vaxt keçirməli olduqlarını vurğulayıb. Lakin, çox vaxt bağçaların həyətləri boş olur və uşaqlar, tələsik geyindirilib valideynlərinə təhvil verilirlər. Səfərova, otaqların havasız və sıx olduğunu da əlavə edərək, belə şəraitin davam etməməsi gərəkdiyini bildirib.