Günay Musayeva Yeni Sevgilisini Tanıtdı – FOTO

Türkiyədə uğurla modellik fəaliyyətini davam etdirən Günay Musayeva şəxsi həyatı ilə yenidən gündəmə gəlib.

Məşhur model gürcü sevgilisi David Bezhuaşvili ilə çəkilmiş fotosunu instaqramda paylaşaraq "Ad günümüz mübarək" şərhini yazıb və ürək emojiləri əlavə edib.

David Bezhuaşvili də Günayla birgə fotolarını sosial media hesabında yayımlayıb. Cütlüyün səmimi və romantik pozaları izləyicilərin diqqətini cəlb edib.

Qeyd edək ki, bir müddət əvvəl Günay Musayevanın ikinci dəfə ailə quracağı barədə iddialar yayılmışdı. Model Gürcüstanda ev aldığını və buna görə ora tez-tez getdiyini bildirmişdi.

Xatırladaq ki, Günay Musayeva əvvəllər türkiyəli aktyor Tolqa Karellə evli olub və bu nikahdan Cahangir adlı bir oğlan övladı var.