Hadise uğursuz serialdan milyonlar qazandı

Türkiyəli pop ulduzu Hadisə rol aldığı "Esas Oğlan" serialından yüksək gəlir əldə edib. Hər nə qədər IMDB platformasında cəmi 2.1 bal toplayaraq ən aşağı reytinqli seriallardan biri olsa da, Hadisənin bu layihədən 10 milyon TL qazandığı məlum olub.

Baş rollarında Seda Bakan, Şükrü Özyıldız və Serhat Teomanın da yer aldığı serial, ədəbsiz səhnələri və keyfiyyət baxımından zəif olması səbəbilə tamaşaçılar tərəfindən sərt tənqid olunub.

Buna baxmayaraq, Hadisənin böyük məbləğdə gəlir əldə etməsi müzakirələrə səbəb olub. Qeyd edək ki, serial IMDB-də 2.1 bal toplayaraq "Sihirli Annem" remeykindən sonra ən pis ikinci rəqəmsal platforma serialı seçilib.

Xatırladaq ki, Hadisə daha əvvəl serialın rejissoru ilə münasibətdə olduğunu açıqlamışdı.