Nəsrin Cavadzadənin paylaşımı eşq iddialarını gücləndirdi – FOTO
Türkiyədə fəaliyyət göstərən azərbaycanlı aktrisa Nəsrin Cavadzadə Sevgililər Günündə etdiyi paylaşım ilə diqqət çəkib. O, sosial media hesabında çobanyastığı çiçəkləri ilə foto paylaşaraq xoşbəxt olduğunu bildirib. Aktrisanın bu paylaşımı onun həyatında biri olduğu ilə bağlı iddiaları gündəmə gətirib.
AsimanFərzəliyeva 
Məşhur azərbaycanlı aktrisa Nəsrin Cavadzadə Sevgililər Günündə sosial media paylaşımı ilə gündəmə gəlib. Aktrisa evindəki bir güldan dolusu çobanyastığı çiçəklərinin fotosunu paylaşaraq belə yazıb:
"Dünyanın ən xoşbəxt qadını olmaq belə bir şey imiş."
Nəsrin paylaşımına ürək emojisi də əlavə edib. Bu da izləyiciləri arasında onun həyatında biri olduğu barədə iddialara səbəb olub.
Xatırladaq ki, Cavadzadə ötən ilin dekabrında verdiyi açıqlamada şəxsi həyatında heç kimin olmadığını bildirmişdi. Aktrisa son olaraq "Sandık Kokusu" serialında rol alıb.
