“Oğlum üçün heç kimdən xahiş etməmişəm”

Müğənni İlqar Xəyal "Səs Azərbaycan" verilişində iştirak edən oğlu Teymur Hənifəyev haqqında maraqlı açıqlamalar verib.

Sənətçi bu barədə "Qonaqcanlı" proqramında danışıb. O, oğlunun musiqi təhsilindən söz açaraq, ona heç bir xüsusi dəstək göstərilmədiyini vurğulayıb:

"Aydın məsələdir ki, mənim repertuarımla böyüyüb. Oğlum Bülbül adına musiqi məktəbində 11 il oxuyub. Onun yalnız buraxılış imtahanına getmişəm. Hətta məktəbin direktoru, Xalq artisti Teymur Göyçayev məni görəndə təəccüblənmişdi və soruşmuşdu ki, burada nə edirsən? Mən də cavab vermişdim ki, oğlumun buraxılış imtahanına gəlmişəm. Heç kimdən nə xahiş etmişəm, nə də zəng vurmuşam. Sosial şəbəkələrdə yazırlar ki, evdən dəstək var. Əlbəttə, evdə məsləhət vermək, məşqlərdə kömək etmək, repertuar seçimi etmək normaldır".

Qeyd edək ki, Teymur Hənifəyev "Səs Azərbaycan" yarışmasında Xalq artisti Röya Ayxanın komandasında yer alır.