: Hande Erçel, Sabancı Ailəsi və Yasemin Özilhandan Rekord-FOTO
Türkiyənin məşhur simaları və cəmiyyətin tanınmış üzvləri 2024-cü ildə dünya səyahətlərinə imza atıb. Arzu Sabancı, Nazlı Sabancı, Hande Erçel, Yasemin Özilhan və Sibil Çetinkaya ümumilikdə 214 min 278 kilometr yol qət edərək, Dünya ətrafında 5 dəfədən çox dövr etmiş olub.
AsimanFərzəliyeva 
Türkiyənin məşhur simaları 2024-cü ildə möhtəşəm dünya səyahətləri ilə gündəmə gəliblər. Arzu Sabancı, Nazlı Sabancı, Hande Erçel, Yasemin Özilhan və Sibil Çetinkaya il ərzində toplamda 214 min 278 kilometr yol qət edərək, Dünya ətrafında 5 dəfədən çox səyahət ediblər.
Hande Erçel və Hakan Sabancı cütlüyü demək olar ki, hər həftə fərqli bir ölkədə görüntülənib. Hande, Parisdən Uzaq Şərqə qədər 26 fərqli şəhəri gəzərək, 93 saat uçuşda keçirib və 67 min 548 kilometr yol qət edib.
Nazlı Sabancı isə həyat yoldaşı Hacı Sabancı və qızları ilə birlikdə 18 şəhəri kəşf edib. O, ümumilikdə 40 min 718 kilometr məsafə qət edərək 62 saat uçuşda olub.
Sibil Çetinkaya bu il 23 şəhəri ziyarət edib. O, 39 min 101 kilometr yol gedərək 54 saat uçuşda olub.
Arzu Sabancı isə Nyu-York, Meksika, Tulum və Kann kimi şəhərləri gəzib. O, 50 saat ərzində 37 min 605 kilometr səyahət edib.
Yasemin Özilhan isə Maldivlərdən Los Ancelesə qədər olan marşrutla 29 min 306 kilometr yol qət edərək 56 saat uçuşda olub.
Bu beş məşhur simanın ümumi səyahət məsafəsi 214 min 278 kilometr təşkil edib ki, bu da Yer kürəsini 5,3 dəfə dövr etməyə bərabərdir.
