Hande Yener Prodüseri ilə 5 İldir Sevgi Yaşayır

Türkiyənin məşhur müğənnisi Hande Yener, 5 ildir sevgi münasibəti yaşadığını etiraf edib. O, bu barədə Hülya Avşarın YouTube verilişində danışıb. Yener, illərdir onun prodüseri olan Mişa ilə gizli bir əlaqə yaşadığını və bu münasibətin çox sağlam və yaxın olduğunu qeyd edib.

İfaçı, Mişa ilə münasibətinin beş il ərzində inkişaf etdiyini və onun yalnız sevgilisi olmadığını, eyni zamanda çox yaxın dostu olduğunu bildirib. Hande Yener, "O, mənim mahnılarımı hazırlayır, həm də çox yaxşı bir insan və dostdur. İlk dəfədir ki, bir münasibətdə bu qədər uzun müddət qalmağı bacarmışam" – deyə əlavə edib.

Müğənni və prodüseri arasındakı əlaqəyə dair əvvəllər də xəbərlər yayılmasına baxmayaraq, tərəflərdən heç bir açıqlama gəlməmişdi. Bu dəfə Hande Yener, sevgi həyatına dair ilk dəfə açıq danışmış oldu.