Haqqında yayılan iddialara cavab verdi-VİDEO

İnfluenser Aynişan Quliyeva mediada onun haqqında yayılan əsassız iddialarla bağlı danışıb. O, ARB-də yayımlanan "Pərvizə görə" proqramında çıxış edərək bəzi absurd xəbərlərin onu təəccübləndirdiyini bildirib.

Aynişan ən qəribə xəbərlərdən birinin pandemiya dövründə evinin qapısının dezinfeksiya edilməsi ilə bağlı olduğunu deyib:
"Mən özüm bundan xəbərsiz idim. Necə ola bilər ki, media bunu bilsin, mən yox?" – deyə o, təəccübünü ifadə edib.

İnfluenser, həmçinin ABŞ-də guya həbs olunması ilə bağlı yayılan xəbərlərə də münasibət bildirib. Aynişan Quliyeva Amerika vizası üçün müraciət etdiyini və ikinci cəhddə vizanın təsdiqləndiyini qeyd edib. Lakin bundan sonra mediada onun hava limanında həbs edildiyi ilə bağlı əsassız xəbərlər yayımlanıb.

O, həmçinin adından istifadə edərək insanlardan pul alan dələduzlarla bağlı şikayət etdiyini, lakin bir ildir bu şəxslərin tapılmadığını bildirib:
"Mənim adımı hallandırıb insanlardan pul alıblar. Dəfələrlə açıqlama vermişəm, dövlət qurumlarına müraciət etmişəm, lakin hələ də bu şəxslər tapılmayıb" – deyə Aynişan vurğulayıb.

Qeyd edək ki, Aynişan Quliyeva tez-tez sosial mediada yayılan əsassız xəbərlərin hədəfi olur.