"Həftədə bir gün telefonu söndürürəm"
Günay İbrahimli həftədə bir gün özünə istirahət verdiyini və telefonu söndürdüyünü açıqlayıb. Müğənni sıx iş qrafiki ilə yanaşı, bu istirahət günündə yalnız özünə vaxt ayırdığını bildirib.
AsimanFərzəliyeva 
Müğənni Günay İbrahimli "Xəzər axşamı" verilişində qonaq olub və şəxsi həyatına dair maraqlı açıqlamalar verib. O, həftədə bir gün tamamilə özünə vaxt ayırdığını və bu müddətdə telefonu söndürdüyünü bildirib.
"Mənə vaxt bəs etmir. Səhər yuxudan duran kimi ayılmaq üçün kofe içirəm və evdən çıxıram. Şəhər daxilində günlük işlərim olur. Daha sonra atelyeyə gedirəm, işçilərlə iclas keçirir və tapşırıqlar verirəm. Studiyada səsyazma işlərim olur. Amma həftədə bir gün tamamilə istirahətə ayırıram. Hamama gedir, özümə vaxt ayırıram və ya dostlarımla görüşürəm. Telefonu da söndürürəm. Əks halda, istirahət etməyə imkan vermirlər," – deyə sənətçi bildirib.
