Xalq artisti Nisə Qasımovanın bacısı Kövsər xanım maraqlı bir hadisəni açıqlayıb. Onun sözlərinə görə, Nisə Qasımova sovet dönəmində Türkiyəyə səfəri zamanı məşhur müğənni İbrahim Tatlısesin xüsusi diqqətini cəlb edib.
"Nisə bacımı Türkiyəyə dəvət etmişdilər. O, İbrahim Tatlısəslə görüşdü və birlikdə səhnəyə çıxdılar. İbrahim onun ayaqlarının altında oturub təriflər yağdırdı, Türkiyədə qalmasını təklif etdi. Bacım isə ona 'baxarıq…' cavabını verdi," – deyə Kövsər xanım bildirib.
Bundan əlavə, sənətkarın bacısı Tatlısesin Nisə Qasımovaya evlilik təklif etdiyini də açıqlayıb:
"Bacım sonradan bizə dedi ki, İbrahim Tatlıses ona 'səni alıram, gəl evlənək, burada qal' deyib. Amma Nisə cavabında 'Mən nə Türkiyədə qalanam, nə də sənə ərə gedən. Mən Vətənimi heç vaxt satmaram, Azərbaycan qızıyam' sözlərini söylədi."
Bu açıqlama sənətsevərlər arasında böyük marağa səbəb olub.
