"İstəyirəm sağalam, bacarmıram" - Ənvər Həsənov

 Xalq artisti Ənvər Həsənov, bir neçə il əvvəl yaşadığı avtomobil qəzasından sonra başına ciddi zədə aldığını və damarının düzgün tikilmədiyini söyləyib. O, bu ağır travmaların nəticəsindən hələ də sağala bilmədiyini bildirib. "Başım partladı, damarımı düz tikmədilər. Həmin vaxtdan bu vəziyyətdəyəm. Xəstəyəm, özümə gələ bilmirəm. Şüvəlanda, bağ evimdə oturmuşam və sağalmağı çox istəyirəm, amma bacarmıram," - deyə o əlavə edib.

Həsənov, həmçinin son 3 ildir yuxusuzluqdan əziyyət çəkdiyini vurğulayıb. "Yuxuya həsrətəm, gecələr yata bilmirəm. Yatmayan insan necə olar? İstəyirəm bir qədər yaxşılaşıb, normal həyatıma qayıdım, amma hələ də mümkün olmur. İşləmirəm, işsizlik də insanı xəstə salır," - deyə o qeyd edib.