"Jurnalistikadan danışmağa ixtiyarınız yoxdur"-VİDEO
Əməkdar artist Qorxmaz Əlili ilə aparıcı Elgiz Əkbər arasında canlı efirdə mübahisə yaşanıb. Aktyor İzzət Bağırovla bağlı yayılan xəbərləri tənqid edərkən Elgizin sərt reaksiyası ilə qarşılaşıb.
AsimanFərzəliyeva 
"Elgizlə İzlə" verilişində Əməkdar artist Qorxmaz Əlili ilə aparıcı Elgiz Əkbər arasında gərgin anlar yaşanıb.
Aktyor müğənni İzzət Bağırovla aralarındakı məsələnin mediada işıqlandırılmasını tənqid edərkən Elgiz Əkbər ona sərt cavab verib:
"İzzət haqqında nə ixtiyarla danışırsınız? Özü burada yoxdur. Siz dərinə getdiniz. Sizin jurnalistikadan danışmağa ixtiyarınız yoxdur. Jurnalist qanunlarını bilmək lazımdır: anonim çıxış etmək olmaz."
Buna cavab olaraq Qorxmaz Əlili bildirib ki, müğənni haqqında danışmaq niyyətində olmayıb:
"Dəfələrlə dedim ki, o adam burada yoxdur, haqqında danışmıram. Siz sual verdiniz. Bu mövzunu efirə mən çıxarmadım, suallardan qaçdım."
Verilişdə yaşanan bu dialoq sosial mediada da geniş müzakirəyə səbəb olub.
