Los-Ancelesdə məşhur türklərin villaları yanıb kül oldu - FOTO
ABŞ-ın Kaliforniya ştatının Los-Anceles şəhərində başlayan güclü meşə yanğını bir çox məşhur türkün mülkünü külə döndərib. Hollivuda qədər yayılan yanğın, dünya şöhrətli şəxslərə məxsus milyonlarla dollarlıq malikanələrə də zərər verib.
AsimanFərzəliyeva 
Kaliforniya ştatının Los-Anceles şəhərində yanvarın 7-də başlayan meşə yanğını güclü külək səbəbilə daha da genişlənib və böyük dağıntılara səbəb olub. Dünya şöhrətli şəxslərə məxsus milyonlarla dollarlıq malikanələr yanıb kül olub. Bir çox türk məşhurunun mülkləri də yanğının ortasında qalıb.
Hollivuda qədər sirayət edən bu yanğın, şəhərin dəbdəbəli məhəllələrində məşhur simaların evlərini təsir edib. Türkiyənin tanınmış iş adamları və sənət adamlarının evləri də bu alovlardan zərər çəkib.
Los-Ancelesdə evi olan məşhurlar arasında bunlar yer alır:
- Kənan İmirzalıoğlu və Sinem Kobal cütlüyü
- Fənərbaxça İdman Klubunun prezidenti və Koç Holdinq İdarə Heyətinin üzvü Ali Koç
- “Gaddar” serialının məşhur aktyoru Cağatay Ulusoy
- Aktrisa Serenay Sarıkaya
- Tolgahan Sayışman
- Kənan Doğulu və Beren Saat cütlüyü
- İş adamları Adnan Şən və Mətin Şən
Yanğının səbəb olduğu ziyan ciddi olub və bir çox ev və iş yeri külə dönüb.
