Məşhur müğənninin oğlu Los-Ancelesdəki evini tərk etdi – FOTO

Azərbaycanlı məşhur müğənni Nura Suri, Los-Ancelesdəki yanğınların böyük oğlunun evinə yaxınlaşdığını və bu səbəblə gecəni həyəcandan yatmadan keçirdiyini bildirib. O, bu barədə "Facebook" hesabında paylaşım edərək oğlunun evini təxliyə etdiyini açıqlayıb.

Müğənni qeyd edib ki, oğlu ilə yanaşı digər yaxınları da təhlükəsizliyə doğru yönləndirilib. Oğlanlarının uzun müddətdir Los-Ancelesdə yaşadığı bildirilir.

ABŞ-də baş verən meşə yanğınları 7 yanvar tarixində başlayıb. Yanğınlar səbəbilə Los-Ancelesdə yüzminlərlə insan evlərini tərk etmək məcburiyyətində qalıb. Bir neçə ölkənin konsulluqları da müvəqqəti olaraq bağlanıb, bəzi azərbaycanlı ailələri isə təhlükəsizlik səbəbindən Bakıya qayıtmağa məcbur olublar.