"Məni toya çağıran yoxdur"

Xanəndə Pərviz Qasımov toylara dəvət olunmamasından şikayət edib. "El canlı" verilişində bu barədə danışan Pərviz, "Məni toya çağıran yoxdur. Buradan soruşuram, ay millət, məni niyə toya dəvət etmirsiniz? Vallah mikrofonla gələcəyəm, qantellə yox. Çox qəribədir, oxuduğum mahnılar, canlı ifalar, tədbirlər, aranjimanlar... Camaatda qəribəlik yaranıb, deyirlər, 'Pərvizi toya çağırsaq, necə olar?' Əla olar", – deyib. O, həmçinin, idmanla da məşğul olduğunu və bu sahəyə böyük hörmətlə yanaşdığını bildirib, amma "Mən Avropa ölkəsində bayrağımızı ucaltmışam, himnimizi oxutmuşam" deyərək, sosial mediada tanınan idmançılarla müqayisə edilmək istəmədiyini ifadə edib. Pərviz Qasımov həmçinin musiqi sahəsindəki fəaliyyətinə davam edəcəyini və efirə çıxaraq ifalar edəcəyini qeyd edib.