Mehriban Xanlarova və bacısı qızı arasında gərginlik: "Məni polisə verib"
Əməkdar artist Mehriban Xanlarova və övladlığa götürdüyü bacısı qızı Aysel arasında münaqişə gündəmə gəlib. Ayselin sözlərinə görə, sosial kart və uşaqpulu ilə bağlı mübahisə ailəvi gərginliyə səbəb olub. Aysel, xalası tərəfindən polisə şikayət edildiyini və məbləğin oğurluq ittihamı ilə bağlandığını iddia edir. Mehriban Xanlarova isə rəsmi şəkildə Ayseldən imtina etdiyini bildirib.
AsimanFərzəliyeva 
Əməkdar artist Mehriban Xanlarova və bacısı qızı Aysel arasında yaşanan gərginlik geniş müzakirələrə səbəb olub. Aysel iddia edir ki, xalası sosial kartlarını öz nəzarətində saxlayıb və ondan istifadəyə icazə vermir. Hadisə, Ayselin uşağının telefonla təsadüfən kredit götürməsi ilə başlayıb.
“Xalam məni polisə verib. Uşaqpulu və sosial kartlarım Mehriban Xanlarovanın əlindədir. Pulu uşaqlarımın təhsili və yeməyinə xərcləmək əvəzinə, öz ehtiyaclarına sərf edir. Polisə çağırılaraq izahat verməyə məcbur edildim” – deyə Aysel bildirib.
M.Xanlarova isə verdiyi açıqlamada 35 il analıq etdiyi Ayseldən rəsmi olaraq imtina etdiyini bəyan edib: “Mən onu bağışlamayacağam.”
Qeyd edək ki, Aysel 12 yaşında Mehriban Xanlarovanın onun anası deyil, xalası olduğunu öyrəndiyini də açıqlayıb. Yaşanan bu münaqişə, ailədaxili münasibətlərin daha da gərginləşməsinə səbəb olub.
