Şahzadə Harridən Səs-küylü Açıqlama: "Meqanla 10 dəfə boşanmışıq"

Şahzadə Harri Meqan Marklla nikahındakı problemlər haqqında yayılan şayiələrə cavab verib. O, "DealBook 2024" sammitində şayiələrə dair sualı cavablandıraraq, bu cür xəbərlərin nə qədər yanıltıcı olduğunu qeyd edib.

"Meqan və mənim haqqımda yazılanlara görə biz guya 10 dəfə boşanmışıq və müxtəlif yerlərə köçmüşük. Bunları izləmək çətindir, ona görə də onları görməməzlikdən gəlmək daha yaxşıdır. Ən çox trollara yazığım gəlir; onlar nəyəsə ümid edirlər, sonra isə bu baş vermir. Bu, həqiqətən təəssüf doğurur," - deyə Şahzadə Harri bildirib.

Sasseks hersoqu bu cür yalan xəbərlərə diqqət yetirməməyin və onların təsirinə düşməməyin önəmini vurğulayıb.