Messi ilə Ailəvi Dostluq Edən Adnan Əhmədzadə Kimdir?
Dünyaca məşhur futbolçu Lionel Messi, şəxsi sosial media hesabında azərbaycanlı iş adamı Adnan Əhmədzadə ilə ailəvi şəklini paylaşaraq, izləyicilərindən böyük maraq gördü. Həmin şəklin 1 saat ərzində 2 milyon "like" alması, əslində, Əhmədzadənin kim olduğu barədə daha çox məlumatın sorğulanmasına səbəb olub. Pərdə arxasında kimdir Adnan Əhmədzadə? İş dünyasında necə uğurlar əldə edib?
AsimanFərzəliyeva 
Futbol dünyasının ulduzu Lionel Messi, şəxsi sosial media hesabında azərbaycanlı iş adamı Adnan Əhmədzadə ilə ailəvi fotosunu paylaşaraq izləyicilərinin böyük diqqətini çəkib. Bu paylaşım, sosial şəbəkələrdə 1 saat ərzində 2 milyon "like" topladı.
Adnan Əhmədzadə, 24 yanvar 1978-ci ildə anadan olub və Azərbaycanda tanınmış iş adamıdır. O, 1998-2005-ci illərdə SOCAR-ın Xarici İqtisadi Əlaqələr İdarəsində çalışıb. 2005-2006-cı illərdə “Azərtrans” MMC-nin baş direktoru və 2006-2019-cu illərdə SOCAR-da müxtəlif vəzifələrdə fəaliyyət göstərib. 2018-ci ildən SOCAR Trading-in icraçı direktoru olaraq təyin edilib və 2019-cu ildən sonra şirkətin marketinq və investisiyalar üzrə vitse-prezidenti müavini olub.
2023-cü ildən isə ABDA Invest Holding-in təsisçisi və sədri olan Adnan Əhmədzadə, həm də Azərbaycan Koşiki Karate-do Federasiyasının fəxri prezidentidir. Ailəlidir və dörd övladı var.
Messi ilə dostluğu və ailəvi əlaqələri, iş dünyasında da tanınan Adnan Əhmədzadənin sosial şəbəkələrdə daha çox tanınmasına səbəb olub.
