Messi və Dünya Ulduzları Bakıya Gəlir: Tədbir Tarixi və Məzmunu
Dünyanın ən yaxşı futbolçusu Lionel Messi və komanda yoldaşları Bakıya gəlir! Dekabrın 11-də Bakı Kristal Zalında keçiriləcək tədbirdə, Messi və digər futbol ulduzları ilə unudulmaz anlar yaşayacaqsınız. Bu xüsusi gecə, həmçinin musiqi və xeyriyyə məqsədinə yönələn tədbirlərlə zəngin olacaq.
AsimanFərzəliyeva 
Futbolun əfsanəsi Lionel Messi və dünya ulduzları Luis Suarez, Serxio Buskets (Sergio Busquets) və Xordi Alba Bakıya gəlir! Bu qeyri-adi tədbir 11 dekabr tarixində Bakı Kristal Zalında keçiriləcək və burada iştirakçılar, dünya çempionu və səkkiz dəfə “Qızıl top” mükafatı qazanan Messi ilə birgə unudulmaz anlar yaşayacaqlar.
Tədbir çərçivəsində Messi və komanda yoldaşları, onların futbol həyatını əks etdirən bir film təqdim edəcək. Filmdə, futbol ulduzunun həyatı və karyerasına dair unikal anlar izləyicilərə təqdim olunacaq.
Xüsusi bir musiqi atmosferi tədbirin bir hissəsi olacaq. Tədbir zamanı dünyaşöhrətli bəstəkar və müğənni Willy William, həmçinin məşhur “Morandi” qrupu səhnəyə çıxacaq. Musiqi proqramı iştirakçılara enerjili və yaddaqalan ritmlərlə yaddaqalan anlar bəxş edəcək.
Bu tədbir yalnız futbolsevərlər üçün deyil, musiqi həvəskarları üçün də xüsusi təcrübə olacaq. Biletləri iTicket.az saytından və satış məntəqələrindən əldə etmək mümkündür. Bilet satışından əldə olunan vəsait xeyriyyə məqsədinə yönəldiləcək.
Bütün futbol və musiqi sevərləri bu unikal tədbirə qoşulmağa dəvət edirik!
