Meyxanaçı Fariz Zeynalov Bakıda İt Üçün Yolu Bağladı –FOTO

Meyxanaçı Fariz Zeynalov (Bərdəli) heyvanlara qarşı xüsusi həssaslığı ilə diqqət çəkib. O, hər zaman avtomobilində heyvanlar üçün yem saxladığını bildirib.

Meyxanaçı bu mövzu ilə bağlı yaşadığı bir hadisəni də xatırladıb. Onun sözlərinə görə, bir dəfə idarə etdiyi avtomobillə yolda gedərkən başqa bir sürücünün yolu keçən iti vurduğunu görüb. Fariz Zeynalov dərhal maşınını yolun kənarında saxlayıb, yolu bağlayaraq itin köməyinə qaçıb. Onun bu addımı sayəsində it ölümdən xilas olub.

Fariz Zeynalov heyvanlara qarşı həssas yanaşdığını və bu cür addımlardan çəkinmədiyini vurğulayıb. O, bu məsələdə heç bir kompleksinin olmadığını qeyd edərək hər kəsi heyvanlara qarşı daha diqqətli olmağa çağırıb.