"Meyxananın səviyyəsini aşağı salanlardan biri Pərviz Bülbülədir"

Meyxanaçı İntiqam Rüstəmov həmkarı Pərviz Bülbülə ilə bağlı qalmaqallı fikirlər səsləndirib. O, "Qonaqcanlı" proqramında meyxanaya musiqi əlavə edilməsinin bu sənəti zəiflətməsinə səbəb olduğunu bildirib.

"Pərviz Bülbülə ilə münasibətim yaxşıdır, amma meyxananın səviyyəsini aşağı salanlardan biri də o oldu. Musiqili meyxana anlayışını ortaya çıxardı və indi toy məclislərində də bu dəbdədir. Meyxananın özünəməxsus avazı var, lakin bu, mahnı deyil. Meyxana sənətində Namiq Qaraçuxurlu və Vasif Əzimovun ifalarına qulaq asıram, çünki onların səsi daha şirindir. Pərvizlə Orxan Lökbatanlı meyxanadan çəkildi, Allah Rəşadın qapısını açsın, Vüqar Biləcəri də rəhmətə getdi. Peşəkar meyxanaçılar azaldıqca, bu sənət də zəifləməyə başlayır", – deyə İntiqam Rüstəmov bildirib.