Müğənni Lətifə Soyuözün 39 Min Dollarlıq Çantası Səs-küy Yaratdı

Azərbaycanlı müğənni Lətifə Soyuöz ad gününü ailəsi ilə birlikdə Birləşmiş Ərəb Əmirliklərində qeyd edib. Dubayda baş tutan məclisdə müğənni ona edilən hədiyyələri izləyiciləri ilə paylaşıb.

Paylaşılan şəkillərdə "Chanel", "Louis Vuitton" və "Salvatore Ferragamo" kimi məşhur markalardan olan bahalı hədiyyələr diqqət çəkib. Amma sosial şəbəkə izləyicilərinin ən çox marağına səbəb olan "Hermes" markasının məşhur "Kelly" kolleksiyasından olan kiçik çanta olub. Bu çantanın dəyəri tam 39 min dollardır.

Lətifə Soyuözün lüks zövqü və hədiyyələri mövzu ilə bağlı geniş müzakirələrə səbəb olub. Sosial mediada bir çoxları müğənninin zərif stilini tərifləyərkən, digərləri onun bahalı seçimlərini tənqid edib.

Ad günü ilə bağlı paylaşdığı fotolar izləyicilər tərəfindən böyük maraqla qarşılanıb və müğənniyə xeyli təbrik mesajları göndərilib.