Müğənnidən gözlənilməz addım - FOTO

"Hepsi" qrupunun keçmiş üzvü, tanınmış müğənni Yasemin Yürük yumurtalarını dondurduğunu açıqlayıb. O, 12-13 gün ərzində hər axşam özünə iynə vurduğunu və bu müddətdə bədənində bəzi dəyişikliklər baş verdiyini bildirib.

Müğənni bu barədə danışaraq belə deyib: "Bədənimdə ödem yarandı və qarnım böyüdü."

O, yaşadığı prosesi belə təsvir edib:

"Hər şeyin doğru vaxtı olduğuna inanıram. Bu səbəbdən yumurtalarımı dondurmağa qərar verdim. Çünki gələcəkdə bu seçimə sahib olmaq istəyə bilərdim və işləri təsadüfə buraxmaq mənlik deyildi.

12-13 gün ərzində hər axşam saat 19:00-da özümə iynə vurdum. Hər kəs üçün lazım olan iynə sayı fərqli ola bilər. Əvvəlcə özümə iynə vurmaq fikri qəribə gəldi, lakin zamanla bu proses gündəlik vərdişə çevrildi. Hətta iynə vaxtı çöldə olsam da, dərmanlarımı uyğun şəkildə saxlayıb tətbiq edirdim.

Sinəm şişdi və açığı, bu hal məni razı saldı. Bədənimdə ödem yarandı və qarnım böyüdü. Son həftələrdə güzgüdə özümü tanımaqda çətinlik çəkdim. Hamilə olanda 1.55 boyumla çox şirin görünəcəyimi düşündüm.”