"Müğənnilərin sərvəti gəncləri təhsildən uzaqlaşdırır"

Xalq artisti Naibə Allahverdiyeva, "Gün ortası" verilişində gənclərin yalnız müğənni olmaq istəklərinə toxunub. O, müğənnilərin lüks həyatlarını nümayiş etdirmələrinin cəmiyyətdə yanlış təsəvvür yaratdığını deyib:

"Zamanında müğənnilər evlərini, maşınlarını nümayiş etdirdilər. Verilişlərdə yalandan bahalı hədiyyələr, maşın açarları təqdim olundu. Bu görüntüləri izləyən gənclər düşünür ki, niyə təhsil alım, oxuyum, zəhmət çəkim? Gedim fonoqramla oxuyum və bu zənginliyə sahib olum. Təəssüf ki, bu düşüncənin təməlini şou-biznes qoydu. Lakin bu yolla gedənlərin sonu faciə ilə bitir. Gənclərə səslənirəm: gedin elmlə məşğul olun, mütaliə edin və biliklə inkişaf edin."