Müğənni Aynur Dadaşova özünə qəbir yeri alıb

Azərbaycanın məşhur müğənnisi Aynur Dadaşova, "Bir gün" verilişində qatılarkən özünə qəbir yeri alması ilə bağlı maraqlı açıqlamalar verib. Çəkiliş zamanı böyük bacısı ilə birlikdə mərhum ailə üzvləri – atası İbrahim Dadaşov və kiçik bacısı Günel Dadaşovanın məzarını ziyarət edən sənətçi, həyatına və ölümlə bağlı düşüncələrini bölüşüb.

Aynur Dadaşova, vəsiyyətini açıqlayaraq, bacısı Günelin yanında dəfn olunmaq istəyini bildirib. O, atası olmadan bu qədər uğurlu bir sənətçi olmasının mümkün olmadığını və uşaqlıq illərindən etibarən müğənnilik həyatına başladığını qeyd edib. "Bizim ailəmiz beş nəfərdən ibarətdir və beşimizin də məzarı bir yerdə olacaq," – deyə müğənni qeyd edib.

Müğənni həmçinin bacısı ilə arasında keçirdikləri söhbəti də diqqətə çatdırıb. O, bacısına deyib ki, hər ikisi həyatlarını itirsələr, onu birinci dəfn etməyi istədiyini bildirib. "Allah heç kimə vaxtsız ölüm nəsib etməsin. Hər şeyin gecindən olsun. Amma biz insanlarıq və sabah nə olacağını heç kim bilmir," – deyə Aynur Dadaşova əlavə edib.

Sənətçi, həmçinin, ailəsini çox darıxdığını və məzarlarını ziyarət edərkən yaşadığı hissləri belə ifadə edib: "Tək də olsa qaçıram doğmalarımın məzarı üstünə. Deyəcəklər ki, Aynur ağlayır. Amma heç kim mənim yaşadıqlarımı başa düşə bilməz. Tamaşaçılar üçün hər zaman maraqlı olmuşam, ola bilsin ki, onlar doğru insanı, doğru sənətçini çox istəyirlər."