"Mənim Elza adlı bacım yoxdur!"

Əməkdar artist Elza Seyidcahanın bacısı Lalə Seyidcahan illərdir davam edən ailə münaqişəsi barədə açıq danışıb. O, "Bir gün" verilişində bacısı ilə heç bir əlaqəsinin qalmadığını bildirib.

"Bacıma qarşı qəlbimdə min qırıqlıq var. Bacım mənimlə danışmırsa, canı sağ olsun. Biz bir daha Elza Seyidcahanla əvvəlki kimi ola bilmərik. Rəfiqələrinin sözünə inanıb mənə qarşı belə addım atdı. Biz bir ata, bir ananın övladlarıyıq. Necə rəfiqə sözü ilə bunu edərsən? Ölsəm də yasıma gəlməsin. Artıq mənim üçün ölüdür. Mənim kimi bacını belə etdi. Mənim Elza adlı bacım yoxdur, ola da bilməz", - deyə Lalə Seyidcahan bildirib.

Qeyd edək ki, bacılar arasında uzun müddətdir davam edən küsülülük sənət dünyasında da müzakirə mövzusudur.