"Sevdiyim şəxs var, amma evlənmirik..."

Müğənni Kəmalə Günəşli "ATV" kanalında yayımlanan "Rəngarəng" verilişində şəxsi həyatı ilə bağlı maraqlı açıqlamalar verib. O, həyatında biri olduğunu, amma hələlik evlənmək niyyətində olmadığını bildirib. Kəmalə Günəşli, "Tək deyiləm, həyatımda sevdiyim şəxs var, amma evlənmək barədə düşünmürəm. Mənim üçün evlənmək vaxtı deyil. Gəlinlik geyinmək fikrim yoxdur, amma toy həmişə ola bilər – oğluma, qızıma..." deyə əlavə edib. O, evlilikdə sevgi və hədiyyələrin vacib olduğunu, amma öz övladları ilə münasibətlərinin önəmli olduğunu vurğulayıb. Müğənni, sevdiyi şəxsin onu daim dəstəklədiyini və hədiyyələrlə ona dəyər verdiyini qeyd edib.