"Nanənin xəbəri olmayıb" — İlkin Əhmədov qalmaqallı sürprizdən danışdı

Əməkdar artist İlkin Əhmədov “7 Tamam” verilişində yaşadığı qalmaqaldan bəhs edib və aparıcı Nanə Ağamalıyevanın bu məsələdən xəbərdar olmadığını bildirib. İlkin Əhmədov açıqlamasında bildirib ki, Nanə xanımın adı bu vəziyyətdə çəkilməməlidir, çünki o, heç bir şəkildə bu məsələyə daxil olmayıb.

Həmin hadisənin arxasında bir işçi olduğunu və prodüserin Nanə xanımı yanlış şəkildə məlumatlandırdığını vurğulayan sənətçi, səs yazılarının olduğunu da bildirib. O, bu məsələdə sonadək getməyə qərar verdiyini və həmin şəxsin səhvlərini etiraf etməsi ilə fikrindən daşındığını qeyd edib. Həmçinin, kanalın adı hallanmasın deyə, məsələnin üzərində dayanmadığını və gündəmdə olmaq istəmədiyini bildirib.

Xəbər verir ki, sosial şəbəkələrdə İlkin Əhmədovun “7 Tamam” verilişindəki görüntüləri tənqid edilib, çünki burada ona üçüncü övladının dünyaya gələcəyi sürprizi edilmişdi.