Ögey anasının məzarı başında göz yaşlarına boğuldu – VİDEO

Türkiyəli məşhur müğənni və rejissor Mahsun Kırmızıgül ötən il anası Faike Arığı itirdikdən sonra bu dəfə də ögey anası Zühre Bazencirin ölümü ilə sarsılıb.

Xaricdə olduğu üçün onun dəfnində iştirak edə bilməyən sənətçi Türkiyəyə qayıdan kimi Bingölə gedərək məzarını ziyarət edib. Kırmızıgül orada göz yaşlarını saxlaya bilməyib və duyğulu anlar yaşayıb.

Sənətçi həmin anları "Annem Annem" mahnısı ilə sosial media hesabında paylaşaraq bu sözləri yazıb:
"Türkiyəyə dönən kimi ilk dayanacağım Bingöl oldu. Anam Zühre Bazencirin qəbrini ziyarət etmək, onun ardınca dua etmək mənim üçün bir vəfa borcu idi. Orada, rəhmətlik əmimin ailəsi, ailəmizin böyüyü və bacılarımla uzun müddət söhbət etdik, keçmişi xatırladıq."

Kırmızıgülün paylaşımı izləyiciləri duyğulandırıb və sosial mediada böyük əks-səda doğurub.