"Yas mərasimi üçün kredit götürmək düzgün deyil"

Aparıcı Aytən Səfərova, "Xəbər ertəsi" proqramında maraqlı açıqlamalar verib. O, yas mərasimlərində ailələrin kredit götürməsinin artdığını qeyd edib və bunun düzgün olmadığını bildirib. Səfərova, insanlar arasında yas mərasimlərində aş gözləyənlərin olduğunu, bunun isə əsla uyğun olmadığını vurğulayıb.

O, ayrıca yas mərasimində yemək verməyən ailələrin qınaqlara məruz qaldığını qeyd edib: "Qınayanlar var, amma başınıza gələndə biləcəksiniz. Hər bir ailədə baş verə biləcək hadisədir. Qınamaq ayıbdır", – deyə Aytən Səfərova bildirib.

Aparıcı, ən yaxşısı olaraq yas mərasimində çay, halva, qənd və konfet verilməsini təklif edib və insanların mənəvi yükün altına girməməsi üçün maddi yükdən qaçmalarını tövsiyə edib.