Aygün Kazımova yenə zirvələri fəth etdi - VİDEO+FOTOLAR
Xalq artisti Aygün Kazımova ilə Kazım Canın duet şəklində ifa etdiyi "1" mahnısı musiqi dünyasında rekord qırmağa davam edir. Bir neçə gün öncə yayımlanan mahnı həm "YouTube"da trend siyahısında ikinci yerə yüksəlib, həm də "Apple Music"də top 5-likdə yer alıb. "TikTok" platformasında isə 20 mindən çox video ilə viral olub. Pop kraliça, 2024-cü ildə növbəti dəfə dinləyicilərinin rəğbətini qazanaraq ilin ən çox dinlənilən ifaçılarından birinə çevrilib.
AsimanFərzəliyeva 
Xalq artisti Aygün Kazımova ilə gənc ifaçı Kazım Canın duet olaraq təqdim etdiyi "1" mahnısı yayımlandığı gündən etibarən musiqisevərlərin diqqət mərkəzindədir. Mahnı bir neçə gün ərzində "YouTube" platformasında 1 milyon baxışa yaxınlaşıb və trend siyahısında ikinci yerdə qərarlaşıb.
"Apple Music" platformasında top 5-likdə yer alan "1" mahnısı, "TikTok"da isə geniş populyarlıq qazanaraq 20 mindən çox video ilə viral olub. Bu, Aygün Kazımovanın 2024-cü ildə yayımladığı ilk uğurlu hit deyil. Onun "Bilmək olmaz" və "S.O.S" kimi mahnıları da musiqi platformalarında ən çox dinlənilənlər arasında yer alıb.
Pop musiqisinin kraliçası Aygün Kazımova yenə də öz sənəti ilə fərqlənməyi bacarıb!
