Rəqsanə Ülviyyəni hədələdi, polis müğənnini çağırdı

Bir neçə gün əvvəl "Rəngarəng" verilişində Aysun İsmayılova ilə Ülviyyə Namazova arasında anlaşılmazlıq yaranmışdı. Bu hadisədən sonra Rəqsanə İsmayılova şəxsi sosial media hesabında canlı yayım açaraq Ülviyyə Namazovanı hədələdi. Keçən gün isə Ülviyyə Namazova sosial şəbəkədə canlı yayım açaraq həyatının təhlükədə olduğunu və Rəqsanənin onu maşınla üstündən keçəcəyi ilə hədələdiyini açıqlayıb.

O, Daxili İşlər Nazirliyinə müraciət edərək məsələnin hüquqi həllini istəyib. Ülviyyə Namazova bildirib ki, heç kimi təhqir etmədən və hədə-qorxu gəlmədən təhqir və təhdid olunub:

"Yalandan guya mən kiməsə hədə-qorxu gəlirəm. O videoları ilk kimlərin paylaşdığı tapılacaq. Çünki hüquqi dövlətdə yaşayırıq. Var olsun Azərbaycan polisi! Dərhal məni dəvət etdilər və məsələyə tez bir zamanda müdaxilə etdilər. İnşallah, kim nə edibsə cəzasını çəkəcək."