"Saç yolmuram, işıqları söndürürəm"

Əməkdar artist Sənubər İsgəndərli, gənc qalmasının sirrini açıq şəkildə bölüşüb. O, "Pərvizə görə" proqramında qonaq olaraq bildirib ki, heç bir pəhriz saxlamır və sadəcə özünə qoyduğu qaydalara riayət edir.

"Keçmişdə daha çox pəhriz saxlayırdım, amma indi ümumiyyətlə belə şeylərdən uzağam. Sadəcə müəyyən həyat tərzim var. Bu qaydalara əməl etməyim, həyatıma balans gətirir," - deyə o bildirib.

Aktrisa xoşbəxtlik barədə də düşüncələrini bölüşüb: "Yüz faiz xoşbəxtlik yoxdur. Bütün insanlar kimi mənim də büdrəmələrim və səhvlərim olub. Amma nisbətən xoşbəxt qadınam. Ruhdan düşdüyüm zamanlarda isə yaxınlarım mənə dəstək olur. Psixoloqların dediyi kimi, 'özünə kömək edə bilərsən' – bu doğru bir yanaşmadır."

Sənubər İsgəndərli, ruh halını yaxşılaşdırmaq üçün isə musiqidən faydalandığını bildirib. "Ruhdan düşdüyüm anlarda musiqi qoyub dinləyirəm. Bu, mənim üçün yaxşı bir terapiya rolunu oynayır. Yavaş-yavaş yaxşı düşünməyə başlayıram və optimist oluram," – deyə o vurğulayıb. "Evə gəldiyimdə işıqları söndürüb, sadəcə dincəlirəm və daha pozitiv oluram."