"Ağzımdan iy gəlirdi"

"Kızılcık Şerbeti" serialında "Doğa" obrazını canlandıran məşhur aktrisa Sıla Türkoğlu, qatıldığı proqramda sahibkar sevgilisi Ata Ayyıldız ilə ilk görüşlərini xatırladıb.

Sıla Türkoğlu bildirib ki, həmin gün detoks proqramında olduğuna görə günlərlə yemək yeməyib və bu səbəbdən çətin anlar yaşayıb:

"Mən bir detoks düşərgəsində idim, 4 gün boyunca heç bir şey yeməmişdim. Ata zəng edib ilk görüşə dəvət etdi. Aclıqdan ağzımdan iy gəlirdi. Durumu izah etdim. O isə 'Mənim də manikürüm yoxdur' deyə cavab verdi," – deyə aktrisa gülümsəyərək bildirib.

O, görüşə qeyri-adi geyimdə getdiyini də vurğulayıb: "Hər ikimizin də o gün qəribə bir aurası var idi. O, transparan köynək geyinmişdi."

Qeyd edək ki, Sıla Türkoğlu bir müddət əvvəl Halil İbrahim Ceylan, Doğukan Güngör və Alp Novruz ilə adı hallansa da, hazırda Ata Ayyıldız ilə münasibətdədir.