Sevgililər Günündə Üç Bürcü Məyusluq Gözləyir
Fevralın 14-də bəzi bürclər romantik hədiyyələr əvəzinə gözlənilməz məyusluqla üzləşə bilər. Astroloqlar Xərçəng, Oğlaq və Oxatan bürclərinin bu gün emosional sarsıntı yaşaya biləcəyini bildirirlər.
AsimanFərzəliyeva 
Astroloqlar xəbərdarlıq edirlər ki, bu il fevralın 14-ü bəzi bürclər üçün romantik anlar yox, emosional sarsıntılar gətirə bilər.
Həssas və emosional Xərçənglər üçün bu tarix gözlənildiyi kimi xoş keçməyə bilər. Onların gözləntiləri qarşılanmazsa, bu, ciddi bir məyusluğa səbəb ola bilər. Əgər sevdikləri şəxs onlara qarşılıq verməzsə və ya bu günü unudarsa, hətta münasibətə son qoyulması ehtimalı da var. Xərçənglər baş verənlərin həyatın bir parçası olduğunu qəbul etməli və gələcəyə ümidlə baxmalıdırlar.
Oğlaq bürcündə olanlar isə münasibətlərində diqqətsizliklə üzləşə bilərlər. Onların verdiyi dəyərin eyni səviyyədə qarşılıq görməməsi bu gün onlara dərin məyusluq yaşada bilər. Xüsusilə qeyri-sabit münasibətlərdə olan Oğlaqlar üçün bu gün çətin keçəcək.
Oxatan bürcü isə Sevgililər Günündə özünü diqqətdən kənarda qalmış hiss edə bilər. Onların ortağı ya kifayət qədər maraq göstərməyə bilər, ya da münasibəti bitirmək qərarına gələ bilər. Bu, Oxatan üçün böyük zərbə olsa da, bu bürcün nümayəndələri tez toparlanaraq həyatlarına davam edəcəklər.
Astroloqlar bu üç bürcün bu günü daha rahat keçirməsi üçün gözləntilərini çox yüksəltməmələrini və özlərini həddindən artıq yükləməmələrini tövsiyə edirlər.
